تلاوتِ قرآن مجید

جب سجدے کی آیت تلاوت کرے تو سجدہ کرے،سجدے میں تین^۳ دفعہ یہ دعا پڑھے

سَـجَـدَ وَجْـھِـیْ لِـلَّذِیْ خَـلَـقَہٗ وَشَـقَّ سَـمْعَـہٗ وَ بَـصَـرَہٗ بِحَـوْلِـہٖ وَقُـوَّتِہٖ فَـتَبَـارَكَ اللّٰہُ اَحْـسَـنُ الْخَالِقِیْنَ۔
میرے چہرے نے اُس ہستی کو سجدہ کیا جس ہستی نے اپنی قدرت اور قوّت سے چہرے کو بنایا، اس کے کان بنائے اور اس کی آنکھیں بنائیں، با برکت ہے اللہ جو سب سے بہتر بنانے والا ہے۔
(رواہ الحاکم حديث : ۸۰۲ / ۸۹۷ وسندہٗ ٗصحیح۔ المستدرک ۲۲۰ /۱ ، و اخرجہ ابن السکن و صححہ وقال فی آخر ثلاثا۔ مرعاۃ ۵۰/۳ حديث : ۱۰۴۲ / ۱۰۴۳، السنن الكبرى البيهقی حديث : ۳۷۷۴)، وسنن الترمذى حديث : ۵۸۰ / ۵۸۷، وسنن نسائى حديث : ۱۱۳۰ / ۱۱۲۹، وسنن ابوداؤد حديث : ۱۴۱۴)

جب قرآن مجید کے الفاظ “سَبِّحِ اسْمَ رَبِّكَ الْاَعْلٰی” پڑھے تو یہ ثنا پڑھے

سُبْحَانَ رَبِّیَ الْاَ عْلٰی۔
پاک ہے میرا ربّ بلند و بالا۔
(ابوداؤد حديث : ۸۸۳ و سندہٗ صحیح۔ مرعاۃجلد۲ صفحہ۴۱۲،حديث : ۸۶۶، ومستدرك حاكم حديث : ۹۷۰ / ۹۸۴، والسنن الكبرى البيهقی حديث : ۳۶۹۱)

جب قرآن مجید سنے تو روئے اور یہ دعا پڑھے

رَبَّنَاۤ اٰمَنَّا فَاڪْتُبْنَا مَعَ الشّٰھِدِیْنَ۔
اے ہمارے ربّ، ہم ایمان لائے، ہم کو (قرآنِ مجید کی صداقت کی) گواہی دینے والوں کے ساتھ لکھ لے۔
(سُوْرَۃُ الْمَآئِدَۃِ: ۵، آیت : ۸۳)

متشابہ آیتوں کے معنی تلاش نہ کرے بلکہ اس طرح کہے

اٰمَنَّابِہٖ کُلٌّ مِّنْ عِنْدِ رَبِّنَا
ہم اس پرایمان لائے، یہ سب ہمارے ربّ کی طرف سے ہے۔
(سُوْرَۃُ اٰلِ عِمْرٰنَ: ۳ ، آیت : ۷)