کھانے پینے کی دعائیں

کھانے سے پہلے یہ دعا پڑھے

بِسْمِ اللّٰہِ ۔ {صحیح بخاری حديث : ۵۳۷۸ / ۵۰۶۳، و صحیح مسلم حديث : ۵۲۶۹ / ۲۰۲۲}
اگر بِسْمِ اللّٰہِ ۔کہنا بھول جائے تو جب یاد آئے یہ دعا پڑھے
بِسْمِ اللّٰہِ فِیْ اَوَّلِہٖ وَاٰخِرِہٖ ۔
{ترمذی کتاب الاَطْعَمْتَ حديث : ۱۸۵۸ / ۱۹۶۵ و ۱۹۶۶، صححہ الترمذی، ومستدرك حاكم حديث : ۷۰۸۷ / ۷۲۶۴، ومسند احمد حديث : ۲۶۲۵۲ / ۲۴۵۹۵ / ۲۵۷۳۳ / ۷۳۹۱}

کھانےکے بعد جب دستر خوان اٹھایا جائے تو یہ دعا پڑھے

اَلْحَمْدُلِلّٰہِ حَـمْدًا کَثِیْرًا طَیِّبًا مُّبَارَکًا فِیْہِ غَیْرَ مَکْفِیٍّ وَّلَا مُوَدَّعٍ وَّلَا مُسْتَغْنًی عَنْہُ رَبَّنَا ۔
سب تعریف اللہ کے لیے ہے، ایسی تعریف جو کثرت سے ہو۔ پاک ہو۔ با برکت ہو۔ نہ کافی سمجھی گئی، نہ چھوڑی گئی۔ اور اے ہمارے ربّ کوئی بھی اس سے بے پرواہ نہیں۔
{صحیح بخاری حديث : ۵۴۵۸ / ۵۱۴۲ حمدًا صحیح بخاری میں نہیں ہے ترمذی حديث : ۳۴۵۶ / ۳۷۵۹ سے لیا گیا ہے۔ وسنن ابن ماجه حديث : ۳۲۸۴}

کھانا کھانے کے بعد مہمان یہ دعا پڑھے

اَللّٰھُمَّ بَارِكْ لَھُمْ فِیْمَا رَزَقْتَھُمْ وَاغْفِرْلَہُمْ وَارْحَمْھُمْ ۔
اے اللہ جو رزق تو نے انہیں دیا ہے، اس میں انہیں برکت عطا فرما، ان کی مغفرت فرما اور ان پر رحم فرما۔
(صحیح بخاری کتاب الادب حديث : ۶۰۸۰ / ۵۷۳۰، وصحیح مسلم کتاب الاشربۃ حديث : ۵۳۲۸ / ۲۰۴۲۔ دعا کے الفاظ صرف صحیح مسلم میں ہیں۔)

اَللّٰھُمَّ اَطْعَمْتَ وَاَسْقَیْتَ وَاَغْنَیْتَ وَاَقْنَیْتَ وَھَدَیْتَ وَاَحْیَیْتَ فَلَكَ الْحَمْدُ عَلٰی مَاۤ اَعْطَیْتَ۔
اے اللہ تو نے کھلایا، تو نے پلایا، تو نے غنی کر دیا، تو نے راضی کر دیا، تو نے ہدایت دی اور تو نے زندہ کیا، جو کچھ تو نے عطا فرمایا اس پر تیری تعریف ہے (یا تیرا شکر ہے)۔
کھانے کے بعد اس دعا کا پڑھنا سنّت ہے۔
{رواہ احمد حديث : ۱۶۷۱۲ / ۱۶۰۰۲ / ۱۶۵۹۵ / ۷۳۸۶ و سندہٗ جید۔ بلوغ جزء ۱۷ صفحہ ۹۲ و عزاہ الحافظ الی النسائی و سندہٗ صحیح۔ فتح الباری جزء ۱۱ صفحہ ۵۱۴، وعمل اليوم والليلة لابن السنی حديث : ۴۶۵، والسنن الكبرى النسائی حديث : ۶۸۷۱}

اَلْحَمْدُلِلّٰہِ الَّذِیْ اَطْعَمَنِیْ ھٰذَا وَ رَزَقَنِیْہِ مِنْ غَیْرِ حَوْلٍ مِّنِّیْ وَلَا قُوَّۃٍ۔
ہرقسم کی تعریف اللہ کے لیے ہے جس نے مجھے یہ کھانا کھلایا اور جس نے یہ کھانا مجھے بغیر میری طاقت اور قوّت کے عطا فرمایا۔
جو شخص اس دعا کو پڑھے اس کے پچھلے گناہ معاف ہو جاتے ہیں۔
(رواہ الترمذی فی ابواب الدّعوات حديث : ۳۴۵۸ / ۳۷۶۱ و حسنہ و سکت عنہ المنذری۔ بلوغ جزء ۱۷ صفحہ ۱۰۱۔ وسنن ابن ماجه حديث : ۳۲۸۵، وسنن ابوداؤد حديث : ۴۰۲۳)

پینے کی دعا

جب کوئی چیز پیے تو تین^۳ سانس میں پیے۔
بِسْمِ اللّٰہِ۔
کہہ کر پینا شروع کرے، پھر منھ سے برتن ہٹا کر
اَلْحَمْدُ لِلّٰہِ کہے۔
اس طرح تین^۳ دفعہ کرے۔ {طبرانی اوسط حديث : ۸۴۰ و سندہٗ حسن ۔ فتح الباری ۱۹۷/۱۲ وروی مسلم نحوہ فی کتاب الذِّکر حديث : ۶۹۳۲ / ۲۷۳۴، وعمل اليوم والليلة لابن السنی حديث : ۴۷۲}

کھانے یا پینے کے بعد یہ دعا پڑھے

اَلْحَمْدُ لِلّٰہِ الَّذِیْ اَطْعَمَ وَسَقٰی وَسَوَّغَہٗ وَجَعَلَ لَہٗ مَخْرَجًا۔
سب تعریف اللہ کے لیے ہے جس نے کھلایا، پلایا، رچایا، پچایا اور اس کے نکلنے کے لیے راستہ بنا دیا۔
{ابو داؤد کتاب الاطعمۃ حديث : ۳۸۵۱ و سندہٗ حسن۔ وصحيح ابن حبان حديث : ۵۲۲۰ / ۵۱۹۷ / ۶۶۳۷، والمعجم الكبير للطبراني حديث : ۳۹۷۵ / ۴۰۸۲}