اُصُولِ حدیث

۱۔ اِسنَاد

۲۔ مَتَن

۱۔ جرح مُفَسَّر

۲۔ جرح غير مُفَسَّر

۱۔ مُتواتَر

۲۔ احاد

۱۔ متواتر: متواتر حدیث وہ حدیث ہے جس کی سندیں کثرت سے ہوں۔

۲۔ احاد: احاد حدیث وہ حدیث ہے جس کی سندیں کثرت سے نہ ہوں (یعنی جو حدیث متواتر نہ ہو وہ احاد ہوگی)۔

۲۔ عزیز

۳۔ غریب

۱۔مشہور: مشہور حدیث وہ حدیث ہے، جس کی سَنَد کے ہر طبقے میں دو^۲ سے زائد راوی ہوں۔

۲۔ عزیز: عزیز حدیث وہ حدیث ہے جس کی سَنَد کے ہر طبقے میں کم از کم دو^۲ راوی ہوں۔ ہرطبقے میں دو^۲ سے زیادہ راوی نہ ہوں ورنہ وہ حدیث مشہور بن جائے گی۔

۳۔ غریب : غریب حدیث وہ حدیث ہے جس کی اِسنَاد کے کسی طبقہ میں ایک ہی راوی رہ جائے۔
مندرجہ بالا تینوں اقسام کی ہر حدیث کو خبرِ واحد کہتے ہیں۔

خبرِ واحد: خبرِ واحد سے بشرط یہ کہ اس کی سند صحیح ہو اور خبر متواتر سے یقینی علم حاصل ہوتا ہے۔
سَنَدوں کی زیادتی سے اطمینان اور یقین کی قوّت میں اضافہ ہوتا ہے۔

۱۔ مَتَن میں ضُعف
۲۔ سَنَد میں ضُعف

۱۔ عِلَّت

۲۔ اِضطراب

۳۔ شُذُوذ

۴۔ اِدْرَاج

۵۔ قلب

۶۔ روایت بالمعنی

۱۔ عِلَّت : حدیث میں کسی مخفی عیب کا پایا جانا عِلّت کہلاتا ہے مثلاً کسی راوی کو وہم ہوگیا اس نے حدیث کے الفاظ کو غلط نقل کر دیا یا ایک حدیث کے مَتَن کو دوسری حدیث کے مَتَن میں داخل کر دیا۔
عِلّت کا معلوم کرنا بہت مشکل ہوتا ہے اور یہ علمِ حدیث کے تمام فنون میں سب سے زیادہ دقیق ہے۔
جس حدیث میں عِلّت ہو اسے مُعَلَّل کہتے ہیں۔

۲۔ اِضطراب : کسی حدیث کی مختلف سَنَدوں میں مَتَن کے مختلف الفاظ نقل کیے گئے ہوں تو اس خرابی کو اِضطراب کہیں گے اور حدیث کو مضطربُ المتن کہا جائے گا۔

۳۔ شُذُوذ : راوی کا ثقات یا اپنے سے زیادہ ثقہ کی مخالفت کرنا شُذُوذ کہلاتا ہے یعنی کوئی راوی متنِ حدیث میں کوئی ایسی بات بیان کرے جو دوسرے ثقہ راویوں کے بیان کردہ مَتَن کے خلاف ہو یا اس سے زیادہ ثقہ راوی کے بیان کردہ مَتَن کے خلاف ہو، تو ایسی روایت کو شاز کہتے ہیں۔

۴۔ اِدْرَاج : کسی راوی کا ذاتی قول اگر حدیث کے مَتَن میں شامل ہو جائے تو اسے اِدراج کہتے ہیں اور ایسی حدیث کو مُدْرَج المتن کہتے ہیں۔

۵۔ قلب: مَتَن میں اُلٹ پلٹ ہو جانے کو قَلْب کہتے ہیں، قَلْب سے مراد یہ ہے کہ جس جگہ کوئی لفظ آنا چاہیے تھا وہاں دوسرا لفظ آجائے اور اس دوسرے لفظ کی جگہ پہلا لفظ آجائے مثلاً ”سیدھا” کی جگہ ”الٹا“ اور ”الٹا“ کی جگہ ”سیدھا” آجائے۔

۶۔ روایت بالمعنی : روایت بالمعنی سے مراد یہ ہے کہ راوی کسی حدیث کے اصل الفاظ نقل کرنے کے بجائے اس حدیث کا مفہوم اپنے لفظوں میں بیان کر دے۔ یہ چیز صحیح نہیں اس لیے کہ بہت ممکن ہے راوی نے حدیث کے مَتَن کا مطلب غلط سمجھا ہو، اصل مطلب کچھ اور ہو۔ یہی وجہ ہے کہ حدیث کے اصل الفاظ کی حفاظت پر پورا زور دیا جاتا ہے۔ فنِّ حدیث کی اصل غرض و غایت الفاظِ حدیث کی حفاظت ہے۔

۱۔ موضوع : اگر راوی جھوٹا ہے یا حدیث وضع کرتا ہے تو اس کی روایت کردہ حدیث ”مَوْضُوْع“ یعنی جعلی ہوگی۔

۲۔ متروک : اگر راوی پر جھوٹ کی تہمت ہو تو اس کی روایت کردہ حدیث ”مَتْرُوک“ ہوگی۔

۳۔ مُنکَر : اگر راوی سے بکثرت غلطی صادر ہو یا کثرت سے غفلت یا نسیان کا شکار ہو یا اس کا فِسق ظاہر ہو تو اس کی روایت کو مُنکَر کہا جاتا ہے۔ مزید برآں اگر دو^۲ روایتیں ایک دوسرے کے خلاف ہوں تو ان میں سے جس روایت کو ترجیح دی جائے گی اُسے معروف کہیں گے اور جس کو ترجیح نہیں دی جائے گی یعنی جس کو قبول نہیں کیا جائے گا وہ روایت مُنکَر کہلائے گی۔

۴۔ مُنقَطَع : اگر راوی اپنے استاد سے نہیں ملا تو اس کی روایت کردہ حدیث کی سند مُنقَطَع ہوگی یعنی وہ حدیث جس کی سند میں درمیان سے ایک راوی چھوٹ جائے یا متفرّق مقامات سے دو^۲ یا دو^۲ سے زیادہ راوی چھوٹ جائیں تو اس حدیث کی سند مُنقَطع کہلائے گی اور وہ حدیث مُنقَطع السند کہلائے گی۔

۵۔ مُعضَّل : جس حدیث کی سند میں دو^۲ یا دو^۲ سے زیادہ راوی ایک ہی جگہ سے چھوٹ جائیں تو وہ حدیث مُعضَّل کھلاتی ہے۔

۶۔ مُرْسَل : جس حدیث میں تابعی نے صحابیؓ کا نام نہ لیا ہو وہ مُرْسَل کہلاتی ہے۔ مُرْسَل کو ضعیف اس لیے کہا جاتا ہے کہ بہت ممکن ہے تابعی نے کسی دوسرے تابعی سے سنا ہو اور تابعی ضعیف بھی ہوتا ہے اور ثقہ بھی، بلکہ بعض احادیث ایسی بھی ہیں جن میں کئی کئی تابعی ہیں ایسی صُورت میں کچھ نہیں کہا جا سکتا کہ جن تابعیوں کے نام تابعی راوی نے لیے وہ کیسے ہوں گے۔ ہو سکتا ہے ان میں سے بعض کذّاب ہوں۔
تمام صحابہؓ عادل اور ثقہ مانے جاتے ہیں لہٰذا کسی صحابیؓ کا نام نہ ہونے سے روایت ضعیف نہیں ہوتی۔ اس کے ضُعف کی وجہ وہی ہوتی ہے جو اوپر بیان کی گئی۔

۷۔ مُعَلَّل : اگر راوی سَنَد میں گڑ بڑ کر دے، ایک حدیث کی سَنَد دوسری حدیث میں داخل کر دے یا مرسل، منقطع وغیرہ کو موصول کر دے تو وہ حدیث سندًا مُعَلَّل ہوگی۔

۸۔ مجہول کی روایت : اگر راوی مجہول ہے یعنی پہنچانا نہیں جاتا تو اس کی روایت کردہ حدیث ضعیف ہوگی۔

۱۔ مجہولُ الحال
۲۔ مجہولُ العين

۱۔ مجہولُ الحال : مجہولُ الحال وہ راوی ہے جس کا حال معلوم نہ ہو، جس کو کوئی پہچانتا نہ ہو۔ ایسے راوی کے متعلّق ثقاہت کا ضُعف کا فیصلہ نہیں ہو سکتا لہٰذا اس کی روایت کردہ حدیث ضعیف ہوگی۔
مجہولُ الحال کی ایک خاص قسم ”مَسْتُور“ ہے۔ اگر مجہولُ الحال راوی کا نام فنِّ جَرَح و تَعْدِیل کے کسی امام نے اپنی کتاب میں ذِکر کیا ہو لیکن نہ اسے ثقہ کہا ہو اور نہ ضعیف تو ایسے راوی کو ”مَسْتُور“ کہتے ہیں۔
اگر دو^۲ یا دو^۲ سے زیادہ اشخاص کسی راوی سے روایت کریں لیکن اس کی توثیق کسی نے نہ کی ہو تو وہ راوی ” مَسْتُور“ کہلائے گا۔

۲۔ مجہولُ العین : اگر راوی کا نام تو معلوم ہو لیکن اس سے روایت کرنے والا صرف ایک ہی شخص ہو تو وہ راوی ”مجہولُ العین“ کہلائے گا۔
اگر کسی راوی سے دو^۲ یا دو^۲ سے زیادہ اشخاص روایت کریں تو وہ راوی مجہولُ العین نہیں رہے گا۔ مجہولُ العین نہ ہونے سے یہ لازم نہیں آتا کہ وہ ثقہ ہو۔ ضُعف کے دوسرے اسباب ہو سکتے ہیں۔
اگر کسی راوی سے صرف ایک ہی شخص روایت کرے لیکن اس روایت کرنے والے کے علاوہ کوئی اور شخص اس کی توثیق کرے تو ایسی صُورت میں بھی وہ راوی ” مجہولُ العین“ نہیں ہو گا۔

۹۔ مقلوبُ السند : مَتَن کی طرح سَنَد میں بھی قلب ہو جاتا ہے مثلاً بیٹے کی جگہ باپ کا نام لے دیا جائے اور باپ کی جگہ بیٹے کا نام لے دیا جائے۔ اس طرح سَنَدَ میں ایک قسم کا عیب پیدا ہو جاتا ہے۔ ایسی حدیث ” مقلوبُ السند“ کہلاتی ہے۔

۱۰۔ مُضْطرب السند : مَتَن کی طرح اِضطراب سَنَد میں بھی ہوتا ہے۔ راویوں کے نام بدل جائیں یا کسی راوی سے کسی حدیث کی کئی سندیں بیان کی جائیں۔ ان سندوں میں اختلاف ہو اور یہ معلوم نہ ہو سکے کہ کونسی سَنَد صحیح ہے اور کونسی غلط ہے تو ایسی سَنَد کو مُضْطَرب کہتے ہیں اور حدیث ”مُضْطرب السند“ کہلاتی ہے۔

۱۱۔ مُصَحَّف : اگر کسی راوی کے نام کے حروف میں سے نقطے اٹھا دیے جائیں یا نقطوں کی تعداد میں کمی بیشی کر دی جائے یا ان کی جگہ میں تبدیلی کردی تو اس نام کو مُصَحَّف کہا جاتا ہے۔ مثلاً شریح کو سریح کر دیا جائے یا ثاقب کو تاقِب کر دیا جائے یا خالد کو جالد کر دیا جائے۔

۱۲۔ مُحَرّف : اگر کسی راوی کے نام میں ایسی تبدیلی کر دی جائے کہ نام کی شکل ہی بدل جائے تو ایسے نام کو مُحَرّف کہتے ہیں مثلاً: جابر کو جبیر کر دیا جائے تو جبیر محرّف ہو گا۔

علما پر تعجّب ہے کہ ایسے دھوکے باز مشرک کو امام مانتے ہیں۔ حیرت کا مقام ہے کہ ایک شخص جو حدیث میں فریب دہی کا مجرم ہو، شریعت سازی کا مجرم ہو پھر بھی وہ امام ہو۔ ایک ہی شخص جو بہ یک وقت چور بھی ہو اور امام بھی ضرور حیرت انگیز ہے۔ ایسا ہونا تو نہیں چاہیے تھا لیکن حقیقت یہ ہے کہ ایسا ہوا ہے۔ جو شخص چور ہے وہ امام نہیں ہو سکتا اور جو شخص امام ہے وہ چور نہیں ہو سکتا۔ اماموں پر چوری، فریب دہی یعنی تدلیس کا الزام محض الزام ہے اور دشمنانِ اسلام کی سازش ہے کہ وہ ایک محدّثؒ کی طرف دوسرے محدّثؒ کے متعلّق تدلیس وغیرہ کے الزام کو منسوب کرتے ہیں گویا کسی امام یا محدّثؒ کو دشمنانِ اسلام خود چور یعنی مدلّس نہیں کہتے بلکہ اس کی تدلیس، چوری یا فریب ہی کے الزام کو کسی امامؒ کی طرف منسوب کر کے فنِّ حدیث کا بیڑا غرق کرنا چاہتے ہیں اور انکارِ حدیث کے لیے میدان ہموار کر کے دین کو بدلنا چاہتے ہیں۔ فنِّ حدیث اور محدّثینؒ کے خلاف یہ سازش بہت پرانی ہے۔ افسوس ہے کہ اکثر دھوکے میں آگئے اور ائمہؒ اور محدّثینؒ کی نسبت تدلیس کے الزام کو تسلیم کرتے رہے

اگر یہ کہا جائے کہ ائمہ یا محدّثینؒ چوری کی نیّت سے تدلیس نہیں کرتے بلکہ لاپرواہی سے ایسا کرتے ہیں تو یہ بھی صحیح نہیں۔ ایسے معاملے میں لاپرواہی کرنا جس معاملے میں لاپرواہی کرنے سے شریعت بدل جائے یا شریعت میں کمی بیشی ہو جائے بہت ہی بڑا جرم ہے۔ لاپرواہی خصوصاً ایسے معاملے میں لاپرواہی وہی کر سکتا ہے جو شریعت سازی کو کوئی اہمیّت نہ دیتا ہو اور اس چیز کی کسی امام یا محدّثؒ سے توقع نہیں کی جاسکتی۔ مندرجہ بالا مباحث سے ثابت ہوا کہ جو شخص امام ہوگا وہ مدلّس ہرگز نہیں ہو گا۔ علّامہ حمّاد بِن محمّد الانصاریؒ لکھتے ہیں :۔

ثانياً : مَنِ احْتَمَلَ الأَئِمَّةُ تَدْلِيسَهٗ وَخَرَّجُوْا لَهٗ فِي الصَّحِيْمِ وإِنْ لَمْ يُصَرِّحْ بِالسَّمَاعِ وَذٰلِكَ لِوَاحِدٍ مِنْ أَسْبَابِ ثَلَاثَةٍ:۔۱ ۔اِمَّا الِاِمَامَتِهٖ
(التدليس و اقسام مطبوعہ مع كتاب طبقات المدلسين صفحہ ۱۹)

دوسرے طبقے کے مدلّس وہ لوگ ہیں جن کی تدلیس کو ائمہ نے اٹھا دیا ہے اور ان سے (اپنی) صحیح میں حدیثیں روایت کی ہیں اگر چہ انہوں نے (استاد سے) سننے کی تصریح نہیں کی ہے اور اس کی وجہ تین^۳ وجوہ میں سے ایک ہو سکتی ہے :۔
۱۔ اس کی امامت کی وجہ سے۔

علّامہ حمّاد بِن محمّد کے بیان سے ظاہر ہوا کہ اگر کوئی شخص امام ہے اور اس پر تدلیس کا شبہ یا الزام ہے تو اس کی تدلیس اس کی امامت کی وجہ سے کالعدم سمجھی جائے گی یعنی امام کے متعلّق یہ تصوّر نہیں کیا جاسکتا کہ وہ امام ہو کر تدلیس یعنی چوری کرے۔
مندرجہ بالا مباحث سے ثابت ہوا کہ فنِّ تَدلیس بےحقیقت فن ہے۔ مزید برآں اگر کسی راوی کو مدلّس کہنے والا اس راوی کا ہمعصر نہ ہو تو یہ چیز اس فن کو مزید بے حقیقت بنادیتی ہے، کسی راوی کو مدلّس کہنے والا اس راوی کے انتقال کے صدیوں بعد پیدا ہوتا ہے تو آخر وہ کس بنیاد پر اس کو مدلّس کہتا ہے۔ کیا وہ کوئی سَنَد پیش کرتا ہے۔ اگر وہ سَنَد پیش کرتا ہے تو کیا اس نے تحقیق کی کہ سَنَد کے آخری راوی نے اپنے استاد یا ہم عصر راوی کی چوری کو کیسے پکڑا۔ ظاہر ہے کہ چوری کرنے والا اپنی بدنیّتی کو خود کبھی ظاہر نہیں کر سکتا حتّٰی کہ اپنی لاپرواہی اور غفلت بھی کبھی ظاہر نہیں کرے گا اس لیے کہ اس صُورت میں بھی وہ محدّثین کے نزدیک ثقہ نہیں رہے گا اور یہ کوئی راوی نہیں چاہتا کہ اسے ضعیف یا ناقابلِ اعتبار سمجھا جائے۔ جب فریب دینے والا اپنے فریب کو ظاہر نہیں کرتا یا لاپرواہی کرنے والا اپنی لاپرواہی کو ظاہر نہیں کرتا تو دوسرے کو خواہ وہ اس کا شاگرد یا ہم عصر ہی کیوں نہ ہو کیسے معلوم ہوا کہ شیخ کی یا راوی کی نیّت اچّھی نہیں ہے۔ یہ سراسر غیب کا معاملہ ہے اور غیب کا علم سوائے اللہ تعالیٰ جل جلالہ کے کسی کو نہیں لہٰذا تدلیس کا فن کچھ نہیں بالکل بے حقیقت ہے۔
اگر تدلیس کا الزام لگانے والا کوئی سَنَد پیش نہیں کرتا تو اس کا الزام لایعنی اور کالعدم ہے۔
حدیث کا کوئی راوی نہ فریب دینے کی نیّت سے تدلیس کرتا ہے اور نہ لاپرواہی کی نیّت سے تدلیس کرتا ہے تو آخر پھر وہ تدلیس کرتا ہی کیوں ہے۔ فریب اور لاپرواہی کے علاوہ وہ کونسی چیز ہے جو اُسے تدلیس پر برانگیختہ کرتی ہے۔

یا

۲۔ اس امامؒ نے اس بات کی صراحت کردی ہو کہ اگر وہ کسی راوی سے قالَ یا عَن کہہ کر روایت کرے تو قاری یا سامع کو سمجھ لینا چاہیے کہ اس نے اس راوی سے نہیں سنا بلکہ اس کے اور اس راوی کے درمیان ایک اور راوی ہے جس کا نام اس نے حدیث کو ضعیف ثابت کرنے کی خاطر چھوڑ دیا ہے اور اس اِسنادی عیب کو ظاہر کرنے کے لیے قالَ یا عَن کہا ہے۔ یہ تدلیس نہیں ہوگی اس لیے کہ تدلیس عیب چُھپانے کا نام ہے نہ کہ عیب ظاہر کرنے کا۔ مثلاً امام شعبہؒ نے اپنے استاد امام قتادہؒ کے متعلّق اس قسم کی عادت کا ذِکر کیا ہے لیکن یہاں پھر یہ سوال پیدا ہوتا ہے کہ امام شعبہؒ کو امام قتادہؒ کی اس عادت کا علم کیسے ہوا۔ انہوں نے امام قتادہؒ سے ان کی اس عادت کا ذِکر خود سنا یا کسی دوسرے کے واسطے سے انہیں معلوم ہوا یا انہوں نے خود اندازہ لگایا۔ اگر خود سنا تو پھر بات صاف ہے یعنی ایسی صُورت میں حدیث ضعیف ہو جائے گی۔ اگر کسی واسطے سے سنا تو اس واسطے کی سَنَد معلوم کرنی ہوگی پھر اس حدیث کی صحت یا ضُعف کا علم ہوگا۔ اگر محض اندازے سے معلوم کیا تو اندازہ کا صحیح ہونا یقینی نہیں لہٰذا حدیث کی تضعیف میں تامل ہوگا۔

۱۔ صحیح

۲۔ حسن

۳۔ ضعیف

۲۔صحیح لغيرهٖ

ا۔ صحیح لذاتہٖ :- جو حدیث کسی عادل راوی کی روایت سے متصل سَنَد کے ساتھ بغیر کسی فنّی عیب کے صفاتِ قبولیّت کے اعلیٰ درجے پر فائز ہو اس حدیث کو صحیح لذاتہٖ کہتے ہیں یعنی اس حدیث کو جو اپنی ذاتی صفات کے لحاظ سے صحیح ہو اسے صحیح لذاتہٖ کہتے ہیں۔

۲۔صحیح لغيرهٖ :۔ جس حدیث میں صفاتِ قبولیّت بدرجہ اتم نہ پائی جائیں، کوئی کمی رہ جائے تو اگر اس کمی کی تلافی دیگر ذرائع سے ہو جائے مثلاً کثرتِ طرق سے اس کمی کا ازالہ ہو جائے تو وہ حدیث بھی صحیح ہوتی ہے لیکن اسے صحیح لغیرہٖ کہتے ہیں۔ اس قسم کی حدیث کو صحیح لغیرہٖ اس لیے کہا جاتا ہے کہ وہ اپنی ذات کے لحاظ سے صحت کے اعلیٰ مرتبے پر نہیں پہنچتی بلکہ دوسرے خارجی ذرائع کی مدد سے اس مرتبے پر پہنچتی ہے۔

حسن حدیث کی بھی دو^۲ قسمیں ہیں :-

ا۔ حسن لذاتہٖ

۲۔ حسن لغیرهٖ

ا۔ حسن لذاتہٖ : جس حدیث کو بغیر کسی توقّف کے اور بغیر کسی خارجی قرینے کے اس کے ذاتی اوصاف کی بنا پر مقبول مان لیا گیا ہو وہ حدیث حسن لذاتہٖ کہلاتی ہے۔
اگر حسن لذاتہٖ کے طرق بہ کثرت ہوں تو اسے صحیح لغیرہٖ بھی کہا جا سکتا ہے۔

۲۔ حسن لغیرهٖ : جس حدیث کو اس کے ذاتی اوصاف کے بنا پر قبول کرنے کے سلسلے میں توقّف کیا جائے لیکن خارج میں کوئی ایسا قرینہ پایا جائے جو اس کی قبولیّت کو عدم قبولیّت پر ترجیح دے تو وہ حدیث حسن لغیرہٖ کہلاتی ہے۔ دوسرے لفظوں میں یہ کہہ سکتے ہیں کہ جو حدیث کسی خارجی ذریعے سے قوّت حاصل کر کے حسؔن بنے وہ حسن لغیرہٖ کہلاتی ہے۔

نوٹ : صحیح لذاتہٖ ، صحیح لغیرہٖ ، حسن لذاتہٖ اور حسن لغیرہٖ یہ چاروں اقسامِ حدیث مقبول ہوتے ہیں۔ ان پر عمل کرنا چاہیے۔

نوٹ : تدوینِ حدیث کے سلسلے میں تفصیل کے لیے ”بربان المسلمین“، ”تفہیم الاسلام بجواب دو اسلام“ شائع کردہ جماعت المسلمین اور ”الرسالہ المُسْتَطرفہ“ مؤلفہ محمّد بِن جعفرالکتانی شائع کردہ کارخانہ تجارت کتب آرام باغ کراچی ملاحظہ فرمائیں۔

احادیث پر جو کتابیں لکھی گئیں ان میں سے مندرجہ ذیل کتابیں بہت مشہور ہیں:۔

۱۔موطا امام مالک مؤلفہ مالک بِن انسؓ

۲۔مُسند امام شافعی مؤلفہ محمّد بِن ادریسؒ

۳۔مُسندا مام احمد مؤلفہ احمد بِن محمّد بِن حنبلؒ

۴۔صحیح بخاری مؤلفہ محمّد بِن اسمعیلؒ

۵۔صحیح مسلم مؤلفہ مسلؔم بِن الحجاجؒ

۶۔سُنن نسانی(صغریٰ) مؤلفہ احمد بِن شعیبؒ

۷۔سُنن ابی داود مؤلفہ سليمان بِن الاشعثؒ

۸۔جامع ترندی مؤلفہ محمّد بِن عیسیٰؒ

۹۔سُنن اِبن ماجہ مؤلفہ محمّد بِن یزیدؒ

احادیث کی وہ کتابیں جو زیادہ مشہور نہیں ہوئیں درج ذیل ہیں :۔

۱۔ سنن دارمی

۲۔ صحیح اِبن خزیمۃ

۳۔ صحیح اِبن حبان

۴۔ سُنن بیہقی کبریٰ

۵۔ مُستدرک حاکم

۶۔ طبرانی کبیر

۷۔ طبرانی اوسط

۸۔ طبرانی صغیر

۹۔ مُسند حمیدی

۱۰۔ مُسند ابی عوانہ

۱۱۔ منتقیٰ اِبن الجارود

۱۲۔ دارقطنی وغیره وغیره

پہلے طبقے میں: موطا امام مالک، صحیح بخاری اور صحیح مسلم شامل ہیں۔

دوسرے طبقے میں: نسائی، ابوداؤد اور ترمذی شامل ہیں۔

تیسرے طبقے میں: اِبن ماجہ، امام بیہقیؒ کی کتابیں، امام دارقطنیؒ کی کتابیں، مُسند امام احمد، مُسند امام شافعی، مُسند حمیدی وغیرہ شامل ہیں۔ حدیث کی زیادہ تر کتابیں اسی طبقے سے تعلّق رکھتی ہیں۔

چوتھے طبقے میں: فردوس دیلمی، اِبن ابی الدنیا وغیرہ شامل ہیں۔

پانچویں طبقے میں: واعظین، صوفیا اور میلاد خوانوں کی کتابیں شامل ہیں۔

نوٹ : موطاء امام مالک کو عموماً کتب احادیث میں شمار کیا جاتا ہے حالاں کہ اس میں صحیح متصلِ مرفوع احادیث سے زیادہ فتوے شامل ہیں۔ اس لحاظ سے اسے کُتبِ فقہ میں شمار کرنا زیادہ مناسب ہے۔
صحیح بخاری میں کثرت سے صحیح متصلِ مرفوع حدیثیں شامل ہیں صحیح مسلم میں صرف صحیح متصلِ مرفوع احادیث شامل ہیں۔ ان دونوں کتابوں کی متصلِ مرفوع احادیث غایت درجے کی صحیح ہیں ان کی صحت پر محدّثینؒ کا اتفاق ہے ان میں کوئی حدیث ضعیف نہیں ہے۔ ان دونوں کتابوں کو صحیحین کہا جاتا ہے۔

دوسرے طبقے میں: کثرت سے صحیح احادیث ہیں۔ کچھ حدیثیں ضعیف بھی ہیں۔ اس طبقے میں صحت کے لحاظ سے نسائی باقی دو^۲ کُتب سے بہتر ہے۔

تیسرے طبقے میں: صحیح احادیث بھی ہیں اور ضعیف احادیث بھی ہیں۔ بعض موضوع بھی ہیں۔

چوتھے طبقے میں: زیادہ تر ضعیف احادیث شامل ہیں۔ اس طبقے میں بہت سی احادیث موضوع بھی ہیں۔

پانچویں طبقے میں: شاید ہی کوئی حدیث ضعیف ہو۔ سب الاماشاءاللہ موضوع ہیں۔

نوٹ :۔ صحت کے مدارج اگرچہ مختلف ہوتے ہیں لیکن تمام صحیح احادیث عمل کے لحاظ سے یکساں ہوتی ہیں۔

(۱) وہ احادیث صحت کے اعلیٰ ترین درجہ میں ہیں جو صحیح بخاری اور صحیح مسلم ہیں۔ دونوں میں ہوں ،

(۲) پھر وہ احادیث جو صرف صحیح بخاری میں ہوں ،

(۳) پھر وہ احادیث جو صرف صحیح مسلم میں ہوں،

(۴) پھر وہ احادیث جو صرف صحیح بخاری اور صحیح مسلم کے شرائط پر صحیح ہوں

(۵) پھر وہ احادیث جو صرف صحیح بخاری کے شرائط پر صحیح ہوں،

(۶) پھر وہ احادیث جو صرف صحیح مسلم کے شرائط پر صحیح ہوں،

(۷) پھر وہ احادیث جو مندرجہ بالا احادیث کے علاوہ ہوں اور جن کو صحیح تسلیم کر لیا گیا ہو۔

۱۔ مرفوع

۲۔ موقوف

۳۔ مقطوع

۱۔صریح

۲۔حُکمی

صریح مرفوع:- صریح مرفوع حدیث وہ ہے جس میں صراحتاً ذِکر ہو کہ رسول اللہ صلّی اللہ علیہ وسلّم نے فرمایا یا رسول اللہ صلّی اللہ علیہ وسلّم نے فلاں کام کیا یا رسول اللہ صلّی علیہ وسلّم نے فلاں بات سُنی یا کسی کو فلاں کام کرتے دیکھا اور اس پر سکوت فرمایا۔
حُکمی مرفوع:- حُکمی مرفوع حدیث وہ ہے جس میں صراحتاً کسی قول یا فعل یا تقریر کو رسول اللہ صلّی اللہ علیہ وسلّم کی طرف منسوب نہ کیا گیا ہو مثلاً اگر کوئی صحابیؓ ایسی بات بیان کرے جو وہ بیان کر ہی نہیں سکتا جب تک اُسے رسول اللہ صلّی اللہ علیہ وسلّم نے نہ بتایا ہو تو اس حدیث کو حُکماً مرفوع کہیں گے۔
اس مضمون میں غیب کی تمام باتیں آجاتی ہیں۔ کیوں کہ غیب کی خبریں سوائے رسول اللہ صلّی اللہ علیہ وسلّم کے دوسرا بیان نہیں کر سکتا لہٰذا اگر کسی صحابیؓ نے غیب کی خبر بیان کی اور اسے رسول اللہ صلّی اللہ علیہ وسلّم کی طرف منسوب نہیں کیا تاہم یہ سمجھا جائے گا کہ وہ حدیث مرفوع ہے لیکن حقیقتاً نہیں بلکہ حکماً یعنی اس حدیث پر یہ حکم لگایا جائے گا کہ وہ مرفوع ہے بشرط یہ کہ وہ صحابیؓ اہلِ کتاب سے کوئی بات روایت نہ کرتا ہو۔

(۱) تاریخ کبیر مؤلفہ امام محمّد بِن اسمعیل البخاریؒ۔

(۲) كتاب الجرح والتعديل مؤلفہ امام عبد الرحمن بِن محمّد بِن ادریس ابو محمّدبِن ابی حاتم الرازیؒ۔

(۳) الكامل في ضُعفاء الرجال مؤلفہ عبداللہ بِن عدى الجرجانیؒ۔

(۴) كتاب الكمال في اسماء الرجال مؤلفہ عبد الغني بِن عبد الواحد مقدسیؒ-

(۵) تہذیب الکمال فی اسماء الرجال مؤلفہ یوسف بِن الذكي المزیؒ۔ یہ کتاب عبد الغنی مقدسیؒ کی کتاب الکمال فی اسماء الرجال کی تہذیب ہے۔

(۶) میزان الاعتدال مؤلفہ محمّد بِن احمد الذہبیؒ ۔

(۷) تہذيب التہذيب مؤلفہ احمد بِن علی بِن حجر العسقلانیؒ۔ یہ کتاب یوسف المزیؒ کی تہذیب کی تہذیب ہے۔ ابن حجرؒ نے اصل کتاب کا مختصر خلاصہ بھی لکھا جو تقریب التہذیب کے نام سے مشہور ہے۔

(۸) لسان المیزان مؤلفہ احمد بِن علی حجر العسقلانیؒ۔