حالتِ اِحرام میں کونسی چیزیں حرام ہیں

۵۔ حالتِ اِحرام میں مندرجہ ذیل چیزیں حرام ہیں:-

۱۔ برّی (یعنی خشکی) کا شکار کرنا^(۱)
۲۔ یا شکار کرانا یا شکار میں کسی قسم کا تعاون کرنا۔(۲)
۳۔ زعفران اور وَرس میں رنگے ہوئے کپڑے پہننا۔^(۳)

(۱) قال اللہ تبارک تعالیٰ: وَحُرِّمَ عَلَیْکُمْ صَیْدُ الْبَرِّ مَادُمْتُمْ حُرُماً (المآئدۃ۔۹۶)
(۲) قلنا أنا کل لحم صید ونحن محرمون۔۔۔قال رسول اللہ صلّی اللہ علیہ وسلّم منکم احدامرٗ ان یحمل علیھا اواشارالیھا قالو الاقال فکلوا(وفی روایۃ لمسلم أشرتم اوأعنتم اوأصدتم)(صحیح بخاری کتاب المناسک باب لایشیر المحرم الی الصید جزء ۳صفحہ۱۶وصحیح مسلم کتاب الحج باب تحریم الصید للمحرم جزء اوّل صفحہ ۴۹۲)
(۳) قال رسول اللہ صلّی اللہ علیہ وسلّم ولاتلبسو امن الثیاب شیئاً سہ زعفران او ورس(صحیح بخاری کتاب المناسک باب مالایلبس المحرم من الثیاب جزء ۲صفحہ۱۶۹وصحیح مسلم کتاب الحج باب مایباح للمحرم بحج اوعمرۃ جزء اوّل صفحہ۴۸۱)

طوافِ کعبہ

۱۔ اگر عورت اذیّتِ ماہانہ کی وجہ سے طواف اِفاضہ نہ کرسکے تو جب غسل کرکے پاک ہوجائے اس وقت طواف کرے^(۳)

حجّ اور عمرہ کے علاوہ کعبہ کے متعلّق دوسرے مسائل

۱۔ کعبہ کے اندر اگر جائے تو بیٹھ کر حمد وثنا کرے اَللّٰہُ اَکبَرُکہے، لَاۤ اِلٰہَ اِلَّا اللّٰہُ پڑھے پھر سامنے والی دیوار کی طرف مائل ہو اور اس پر سینہ، رخسار اور دونوں ہاتھ رکھے،لَاۤ اِلٰہَ اِلَّا اللّٰہُ اور اَللّٰہُ اَکبَرُ کہے اور دعا مانگے۔ پھر باقی تمام دیواروں کے ساتھ بھی ایسا ہی کرے^(۱)
۲۔ مُلْتَزَمْ (یعنی باب کعبہ اور حجرِاسود کے درمیانی حصِّہ) سے رخسار، دونوں ہاتھ اور سینہ چمٹائے^(۲) حجرِ اسود پر سجدہ کرے^(۳)

عورت اور سفر

۱۔ عورت بغیر محرم کے سفر نہ کرے^(۳) اور حجّ بھی نہ کرے^(۴)

سعی

۱۔ حجّ قِران کرنے والا، صَفا و مَروَہ کی سعی دوبارہ نہ کرے۔(عمرہ کی سعی حجّ کے لیے کافی ہے)^(۱)
تَلْبِیَہ{یعنی لبّیک کہنا}
اگر راستے میں کسی خطرہ یا بیماری کی وجہ سے رُک جانے اور مکّہ معظّمہ تک نہ پہنچنے کا اندیشہ ہو تو تَلْبِیَہ کی ابتدا ان الفاظ سے کرے:۔
لَبَّیْكَ اَللّٰھُمَّ لَبَّیْكَ وَمَحَلِّی
مِنَ الْاَرْضِ حَیثُ تَحبِسُنِی^(۲)
{میں حاضر ہوں، اے اللہ میں حاضر ہوں، میرے اِحرام اتارنے کی جگہ وہی ہے جہاں تو مجھے روک دے}

کعبہ تک نہ پہنچ سکنا اگر کسی وجہ سے راستے میں کسی مقام پر رکنا پڑے اور کعبہ تک پہنچنے کا امکان باقی نہ رہے تو اسی مقام پر قربانی کرکے سر منڈوادے یا بال کتروادے اور اِحرام اتاردے^(۱)

آبِ زمزم

آبِ زمزم کو گھر لے جاسکتا ہے^(۱) آبِ زمزم کو جس مقصد کے لیے چاہے پیے^(۲) آبِ زمزم سر پر بھی ڈالے^(۳)