عمرہ کا طریقہ

بِسْمِ اللهِ الرَّحْمٰنِ الرَّحِيْمِ

پھر سواری پر بیٹھ کر تین^۳ مرتبہ اللّٰہ اکبر کہے اور یہ دعا پڑھے:۔
سُبْحَانَ الَّذِیْ سَخَّرَلَنَا ھٰذَا وَمَا ڪُنَّا لَہٗ مُقْرِنِیْنَ وَاِنَّاۤ اِلٰی رَبِّنَا لَمُنْقَلِبُوْنَ۔اَللّٰھُمَّ اِنَّا نَسْئَلُكَ فِیْ سَفَرِنَا ھٰذَا الْبِرَّوَالتَّقْوٰی وَمِنَ الْعَمَلِ مَا تَرْضٰی۔اَللّٰھُمَّ ھَوِّنْ عَلَیْنَا سَفَرَنَا ھٰذَا وَاطْوِ عَنَّا بُعْدَہٗ۔اَللّٰھُمَّ اَنْتَ الصَّاحِبُ فِی السَّفَرِ وَالْخَلِیْفَۃُ فِی الْاَھْلِ۔اَللّٰہُمَّ اِنِّیْ اَعُوْذُبِكَ مِنْ وَّعْثَآءِ السَّفَرِ وَکَآبَۃِ الْمَنْظَرِ وَسُوٓءِ الْمُنْقَلَبِ فِی الْمَالِ وَالْاَھْلِ၀
{پاک ہے وہ ذات جس نے اس (سواری) کو ہمارے لیے قابو میں کردیا حالانکہ ہم اس کو قابو میں نہ لاسکتے تھے، اور بے شک ہم اپنے ربّ کی طرف لوٹ کر جانے والے ہیں۔ اے اللّٰہ ہم اس سفرمیں تجھ سے نیکی اور تقوے کا سوال کرتے ہیں اور ایسے عمل کا سوال کرتے ہیں جو تو پسند کرے، اے اللّٰہ ہم پر یہ سفر آسان کردے اور اس کی دوری کو لپیٹ دے۔ اے اللّٰہ تو سفر میں (ہمارا) ساتھی ہے اور ہمارے اہل و عیال میں خلیفہ ہے۔ اے اللّٰہ میں سفر کی تکلیف سے، بُرے منظر سے اور اہل و عیال میں بُرے وقت سے تیری پناہ طلب کرتا ہوں}^(۱)

اِحرام باندھتے ہی اَلْحَمْدُلِلّٰہِ، سُبْحَانَ اللّٰہِ، لَاۤ اِلٰہَ اِلَّا اللّٰہُ
اور اَللّٰہُ اَڪْبَرُ کہے^(۱)

پھرقبلہ کی طرف مُنہ کرکے لَبَّیْكَ کہے^(۱)
یعنی یہ الفاظ کہے
لَبَّیْكَ، اَللّٰھُمَّ لَبَّیْكَ بِالْعُمْرَۃِ^(۲)
(میں حاضر ہوں۔ اے اللّٰہ ، میں عمرہ کے لیے حاضر ہوں)
یا
دو^۲ بار یہ الفاظ کہے:۔
لَبَّیْكَ عُمْرَۃً^(۳)

تَلْبِیَہ : پھر بلند آواز سے مسلسل تَلْبِیَہ پڑھتا رہے۔ تَلْبِیَہ یہ ہے^(۱)
لَبَّیْكَ،اَللّٰھُمَ لَبَّیْكَ،لَبَّیْكَ،لَاشَرِیْكَ لَكَ لَبَّیْكَ،اِنَّ الْحَمْدَ وَ النِّعْمَۃَ لَكَ وَ الْمُلْكَ، لَاشَرِیْكَ لَكَ
(میں حاضر ہوں، اے اللّٰہ میں حاضر ہوں، میں حاضر ہوں، تیرا کوئی شریک نہیں، میں حاضر ہوں، بے شک ہر قسم کی حمد اور خوبی تیرے لیے ہے اور بادشاہت بھی تیرے لیے ہے۔ تیرا کوئی شریک نہیں)

کبھی کبھی یہ لَبَّیْکَ بھی کہے^(۱)
لَبَّیْكَ اِلٰہَ الْحَقِّ لَبَّیْكَ
(میں حاضر ہوں۔ اے الٰہِ برحق میں حاضر ہوں)
لبّیک پڑھنا اَدْنی الحرم تک یعنی حرم کے قریب پہنچنے تک جاری رکھے، حرم کے قریب پہنچ کر لبّیک پڑھنا بند کردے^(۲)

طَوافِ کَعبہ : مکّہ معظّمہ پہنچ کر وضو کرے^(۱)
پھر حجرِاسود کے پاس آئے،^(۲)
بِسْمِ اللّٰہِ وَاللّٰہُ اَڪْبَرُ کہے^(۳)

پھر معمولی چال سے حجرِاسود کی طرف روانہ ہو^(۱)
رُکنِ یمانی اور حجرِاسود کے درمیان یہ دعا پڑھے^(۲)
رَبَّنَا اٰتِنَا فِی الدُّنْیَا حَسَنَۃً وَّفِی الْاَخِرَۃِ حَسَنَۃً وَّقِنَا عَذَابَ النَّارِ
{اے ہمارے ربّ ہمیں دنیا میں بھی بھلائی دے اور آخرت میں بھی بھلائی دے اور ہمیں دوزخ کے عذاب سے بچا}

پھر حجرِاسود پر پہنچ کر اَللّٰہُ اَڪْبَرُکہے اور اس کا بوسہ لے۔ یا ہاتھ لگا کر بوسہ لے^(۱) یا چھڑی لگا کر چھڑی کا بوسہ لے^(۲) یا کسی چیز سے اس کی طرف اشارہ کرے ^(۳)

جب سات^۷ چکر پورے ہوجائیں تو مقامِ ابراہیمؑ پر آئے اور یہ پڑھے:۔
وَاتَّخِذُوْامِنْ مَّقَامِ اِبرَاھِیْمَ مُصَلًّی^(۱)
{اور مقامِ ابراہیمؑ کو مصلّٰیٰ بناؤ}
پھر مقامِ ابراہیم کو اپنے اور کعبہ کے درمیان کرلے ^(۲)
پھر دو^۲ رکعت نماز پڑھے^(۳)

ان رکعتوں میں سورۂ قُلْ یٰاَیُّھَاالْکَافِرُوْنَ اور سورۂ قُلْ ھُوَ اللّٰہُ اَحَدُ پڑھے۔ نماز سے فارغ ہونے کے بعد حجرِاسود کا بوسہ لے (یا ہاتھ یا چھڑی اس کو لگا کر ہاتھ یا چھڑی کا بوسہ لے یا کسی چیز سے اس کی طرف اشارہ کرے)^(۱)
پھر چاہِ زم زم پر جائے۔ زمزم کا پانی پیے اور کچھ پانی اپنے سر پر ڈالے^(۲)

صَفا و مَروَہ کی سعی: پھر بابِ صفا سے نکل کر کوہِ صفا کی طرف جائے ^(۱)
جب کوہِ صفا کے قریب پہنچے تو یہ پڑھے:۔اِنَّ الصَّفَا وَالمَرْوَۃَ مِنْ شَعَآئِرِ اللّٰہِ
{بے شک صفا اور مروہ اللّٰہ کی نشانیوں میں سے ہیں}
پھر یہ کہے:۔
اَبدَ أُ بِمَا بَدَأَ اللّٰہُ بِہٖ
{میں اسی سے شروع کرتا ہوں جس سے اللّٰہ نے شروع کیا ہے}
پھر صفا پر چڑھے یہاں تک کہ کعبہ نظر آنے لگے، پھر کعبہ کی طرف منہ کرے^(۲)

پھر دونوں ہاتھ اٹھائے^(۱)
پھر اللّٰہ کی توحید بیان کرے، یعنی لَاۤ اَلٰہَ اِلَّا اللّٰہُ وغیرہ پڑھے پھر اَللّٰہُ اَکْبَرُ کہے پھر یہ پڑھے:۔
لَاۤ اِلٰہَ اِلَّا اللّٰہُ وَحْدَہٗ لَا شَرِیْکَ لَہٗ، لَہُ الْمُلکُ وَلَہُ الْحَمْدُ وَھُوَ عَلیٰ کُلِّ شَیْءِِ قَدِیْرٌ لَاۤ اِلٰہَ اِلَّا اللّٰہُ وَحْدَہٗ، اَنجَزَ وَعْدَہٗ وَ نَصَرَ عَبْدَہٗ وَھَزَمَ الْاَحزَابَ وَحْدَہٗ
{نہیں کوئی حاکم و معبود سوائے اللّٰہ اکیلے کے، اُس کا کوئی شریک نہیں بادشاہت اُسی کی ہے اور ہر قسم کی تعریف اُسی کے لیے ہے اور وہ ہر چیز پر قادر ہے۔ نہیں کوئی معبود و مشکل کشا سوائے اللّٰہ اکیلے کے۔ اُس نے اپنا وعدہ پورا کردیا، اپنے بندے کی مدد کی اور تمام لشکروں کو اُس نے اکیلے ہی شکست دی}
پھر دعا کرے۔ دعا کے بعد پھر ان ہی کلمات کو پڑھ کر دعا کرے۔ تیسری مرتبہ پھر ان کلمات حمد و توحید کو پڑھے اور دعا کرے^(۲)