چند اصطلاحات کی تشریح

عرفہ: ۹ ذوالحجّہ کو عرفہ کہتے ہیں۔

یومُ النّحر: دس^۱۰ ذوالحجّہ کو یومُ النّحر کہتے ہیں۔

مِنٰی: مکّہ معظّمہ سے تین^۳ چار^۴ میل کے فاصلے پر ایک پہاڑی علاقہ ہے اسے مِنٰی کہتے ہیں۔

عرفات: ایک میدانی علاقہ ہے۔ یہ مِنٰی سے تقریباً آٹھ^۸ میل کے فاصلے پر ہے۔ عرفہ کے دن یہاں قیام کرنا ہوتاہے۔

مُزْدَلِفہ: مِنٰی اور عرفات کے درمیان یہ ایک مقام کا نام ہے جو مِنٰی سے تقریباً دو^۲ میل کے فاصلے پر ہے۔

مَشْعرِ حرام: مُزْدَلِفہ میں ایک مقام کا نام ہے۔

رَمی: کنکری پھینکنے کو رَمی کہتے ہیں۔

جَمْرَہ: وہ پتّھر جس پر کنکریاں ماری جاتی ہیں۔

جَمرات تین^۳ ہیں، اور یہ تینوں مِنٰی کے سب سے زیادہ قریب جو جمرہ ہے اسے جمرۂ دُنیا کہتے ہیں۔ اس کے بعد جو جمرہ آتا ہے اسے جمرۂ وسطٰی کہتے ہیں اور جو مِنٰی سے سب سے زیادہ فاصلہ پر ہے اسے جمرۂ عَقَبَہ کہتے ہیں۔
یہی وہ تین^۳ مقامات ہیں جہاں شیطان حضرت ابراہیم علیہ الصّلوٰۃ والسّلام کے سامنے آیا تھا اور انھوں نے اس کو کنکریاں ماری تھیں۔ آج کل بھی تینوں مقامات پر کنکریاں ماری جاتی ہیں، لیکن یہ کنکریاں شیطان کو نہیں ماری جاتیں اور نہ ان تینوں مقامات کو شیطان کہا جاتا ہے۔ آج کل کنکریاں صرف حضرت ابراہیم علیہ الصّلوٰۃ والسّلام کے عمل کی نقل اور پیروی کی نیّت سے ماری جاتی ہیں۔

وقوف: عرفات اور مُزْدَلِفہ میں ٹھہرنا اور ذِکر الہٰی میں مصروف رہنا۔

طوافِ اِفاضہ: دس^۱۰ ذوالحجّہ کو قربانی کرنے کے بعد جوطواف کیا جاتا ہے اسے طوافِ اِفاضہ کہتے ہیں، یہ حج کا بڑا اہم رکن ہے۔

طوافِ وداع: مکّہ معظّمہ سے واپس ہوتے وقت جو طواف کیا جاتا ہے اسے طوافِ وداع کہتے ہیں۔

مقامِ ابراہیم ؑ : یہ وہ پتّھر ہے جس پر کھڑے ہو کر حضرت ابراہیم علیہ الصلّوٰۃ والسّلام نے کعبے کی تعمیر کی تھی۔

مُلْتَزَمْ: بابِ کعبہ اور حجرِ اسود کے درمیانی حصِّہ کو مُلْتَزَمْ کہتے ہیں۔